Te Holy Quran

Te tuhi Maalu ote talitonuga kote Islam, kote Holy Quran io me kote Kurani Maalu, te Tuhi nei e maua mai a muna tonu mai te Atua Maalu, kite Pelofeta Maalu ko Muhammad. Te tuhi maalu tenei, E maua iai a muna e mai te Atua kite Pelofeta Maalu ko Muhammad, aunoa mo he palutaki mo niisi muna pela hoki mo muna totino ate Pelofeta Maalu ko Muhammad. Te tuhi maalu tenei,kooti ne puke kae fakamau a muna mai muna ate Atua Maalu kite Pelofeta Maalu ko Muhammad pela mo tulafono a te Atua kooti ne faka-tulafonogina ne te kau Muslim. Pela mote Torat, kote tuhi a Mose tela e maua mai ai e sefulu Tulafono, te Tuhi Maalu kote Kurani e maua mai iai e 700 tulafono ate Atua.Read more

Te tuhi maalu kote Kulani kooti ne fakailoa ne te Atua, kite Maalu ote Pelofeta ko Muhammad motena loto malie,kite leva e tusa mote 22 tauhaga mote 5 mahina. Ka kote Maalu ote Pelofeta ko Muhammad e manatua e ia, a muna ate Atua, tela fakamuli ifo iai koa tuku fakatahi e ia katoa, a muna ate Atua kite tuhi e tahi, tela ko fakaigoa kite Maalu ote Kulani. A tauhoa ote Pelofeta Maalu ne tuku tahi atu a fuaiupu ote tuhi Maalu kote Kulani. I taimi katoa ate Maalu ote Pelofeta ne maua e ia a fakaaliga mai te Atua ne fakamatala atu ki ona tauhoa katoa,kae e manatua e latou Katoa. E manatua e latou a tuu mo Anganu koi tumau lo ate malosi ke oko mai ki taimi nei. Me i tino koi manatua katoa e latou afuaipu iloto ite tuhi Maalu kote Kulani. A tino kola e manatua e latou afuaipu iloto ite Maalu ote Kulani, a latou e fakaigoa pela ite gana Arabic,Hafiz. E fai pela io me fakaigoa me ni tino koa mautinoa ia latou a fuaiupu iloto ite tuhi maalu kote Kulani.

Ite vaai taimi nei e tokouke tino ite lalolagi e afe mo afe koa oti ne tauloto a fuaiupu mai loto ite tuhi maalu kote Kulani, me iai ne naai tino amio mahei, ko taumafai o toe fuli naai fuaipu mai loto ite tuhi maalu kote Kulani, me he fuaipu e tahi kae faigata me e mautinoa ailoa. Ka kote Atua e puipui loa, kae fakatonutonu ke tausi fakalei ate tuhi maalu kote kulani ke oko loa kite gataga ote lalolagi. E iai hoki ni muna iloto ite tuhi maalu kote Kulani ia te Atua tokotahi ka puipui e ia te tuhi maalu kote Kulani ke moaa e fetofaki mo niisi tuhi. Tena te mea e miliona Muslims ne faka-manuiagina meni tauloto, kae mautinoa ia latou a fuaipu iloto ite tuhi mamalu kote kulani aunoa moni mea he tonu io meni mea sesee. Mea nei kote auala ote Atua o puipui fakalei te tuhi mamalu kote kulani, mai mea mahei, pela mote tiapolo fai togafiti iluga ite tuhi maalu kote Kulani, io me kote tuhi ate Atua. Ate tuhi maalu kote Kulani e aofia iai a fuaiupu e 114, ka ko napa ote aofaki o muna 86.430.

By : Mrs. Sunema Rusia

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

w

Connecting to %s

%d bloggers like this: